Liebe Freunde,
in der von mir abonnierten Heimatzeitung ist am letzten Freitag, 17.05.2013, eine wunderbare Kolumne im Kulturteil erschienen, die ich Euch nicht vorenthalten will. Zur Beruhigung von Admins und Mods kann ich mitteilen, dass mir die Zusicherung des Redakteurs vorliegt, diesen Text hier zu veröffentlichen. Wenn Ihr sie braucht leite ich sie Euch gerne zu!
Noch ein Hinweis: Bei Bedarf erstelle ich selbstverständlich auch gerne noch eine Übersetzung...
Madeira zwoa
Liabe Kultuaredaktion,
eigentlich häd i ja gor ned in Urlaub fahrn braucha und häd glei dahoam bleim kinna, denn i war in meim Madeiraurlaub aa in da Provinz, so ziemlich ganz hint auf da Insel, wo de Schnäischdrass aufhört. De Woikn san genauso üba de Berg umazong wia bei uns in Mimpfding. Des Dorf Prazeres is sogor genauso houch om, so bei fünfhundad Meta. Und wia bei mia dahoam san ums Haus de Kadoffen gwochsn. Des Wossa untn am Meer war genauso koid wia im Chiemsää.
Aba ma glaabt gor ned, wos ma in da madeirensischn Provinz ois a so find. Da goidgäibe Sand am Schdrand is extra aus da Sahara vo Marokko umaghoit worn, weil's säim koan ghabt ham. Bei uns dahoam san de grobn Riesl am Chiemsääschdrand aus da nachstn Kiesgruam. Und es wochsn dort in da Gmoa ned bloß Kadoffen, sondan aa Bananen, Wein und Zuckerrohr. Und zu dem Zuckerrohr gibt's aa glei no a kloane Zuckerrohrmäi, oisa a Mühle, und a Rumfabrik dazua.
Und wenn ma bei uns in da Provinz in Brean im Schdau schdäht oda auf da schlechtestn Schdrass Deitschlands auf Frasdorf fahrt, roid ma dort durch vier Tunells vo oam Ort zum nachstn.
Ja, de müassn dort scho recht grouße Sponsoren hom. Denn aa des Fuaßboischdadion is größa wia des Mimpfdinga und a glei größa wia de Rousnama Fuaßboischdadien. Und houch üban Schdrand auf'm Fäisn is a riesngrouße Gemäldegalerie, supamodern, wia a dreidimensionals Labyrinth baut. Schbendiert hod des da Jose Bernardo, a Milliardär, der aa in da Hauptschdod den größtn botanischn Gartn oglegt und glei dazua a Musäum füa sei afrikanische Kunstsammlung higschdäiht hod. Ja, so an Milliardär ois Schbsonsor brauchad ma bei uns in da Provinz aa. Da Baumann Luggi z'Immling daad se gfrein und aa da Guttenberg kannt des Gäid füa seine Herreninsl-Festschbiele braucha, nochdem de Deutsche Bank nix mehr zoiht und de Gäida vom Freischdaad raara wern, weil da Säähofa oiwei schbaarn möcht.
Aba aa bissal provinziell is' dort in Madeira aa. Ausgschdäit werd in da supamoderna Betongalerie ned de afrikanische Kunst vom Milliardär oda da Warhol Ande oda da Richter Gerhard, sondan der bekannteste madeirensische "Chiemseemala", der Römer Max ghoaßn hod und aus Hamburg gwesn is. Aba seine Bäidl san aa ganz schee, wenn aa koa Chiemsää, sondan bloß Madeira drauf is. Madeirabäidl gibt's ja bei uns ned zum Sehng, wer aba Chiemsääbäidl sehng mog, kon des in da Galerie auf da Fraueninsl oda im Übasääa Exterhaus doa. Oda ma schaut se iatz an de Feiadog den Chiemsää glei in echt o - wia i.
A scheens Pfingstfest wünscht Eich
Euer Kultualeser
Vinzenz Summerer
Quelle
Oberbayerisches Volksblatt (OVB),
Oberbayerisches Volksblatt GmbH & Co. Medienhaus KG, Hafnerstraße 5-13, 83022 Rosenheim, Tel.: 08031 213-0
in der von mir abonnierten Heimatzeitung ist am letzten Freitag, 17.05.2013, eine wunderbare Kolumne im Kulturteil erschienen, die ich Euch nicht vorenthalten will. Zur Beruhigung von Admins und Mods kann ich mitteilen, dass mir die Zusicherung des Redakteurs vorliegt, diesen Text hier zu veröffentlichen. Wenn Ihr sie braucht leite ich sie Euch gerne zu!
Noch ein Hinweis: Bei Bedarf erstelle ich selbstverständlich auch gerne noch eine Übersetzung...
Madeira zwoa
Liabe Kultuaredaktion,
eigentlich häd i ja gor ned in Urlaub fahrn braucha und häd glei dahoam bleim kinna, denn i war in meim Madeiraurlaub aa in da Provinz, so ziemlich ganz hint auf da Insel, wo de Schnäischdrass aufhört. De Woikn san genauso üba de Berg umazong wia bei uns in Mimpfding. Des Dorf Prazeres is sogor genauso houch om, so bei fünfhundad Meta. Und wia bei mia dahoam san ums Haus de Kadoffen gwochsn. Des Wossa untn am Meer war genauso koid wia im Chiemsää.
Aba ma glaabt gor ned, wos ma in da madeirensischn Provinz ois a so find. Da goidgäibe Sand am Schdrand is extra aus da Sahara vo Marokko umaghoit worn, weil's säim koan ghabt ham. Bei uns dahoam san de grobn Riesl am Chiemsääschdrand aus da nachstn Kiesgruam. Und es wochsn dort in da Gmoa ned bloß Kadoffen, sondan aa Bananen, Wein und Zuckerrohr. Und zu dem Zuckerrohr gibt's aa glei no a kloane Zuckerrohrmäi, oisa a Mühle, und a Rumfabrik dazua.
Und wenn ma bei uns in da Provinz in Brean im Schdau schdäht oda auf da schlechtestn Schdrass Deitschlands auf Frasdorf fahrt, roid ma dort durch vier Tunells vo oam Ort zum nachstn.
Ja, de müassn dort scho recht grouße Sponsoren hom. Denn aa des Fuaßboischdadion is größa wia des Mimpfdinga und a glei größa wia de Rousnama Fuaßboischdadien. Und houch üban Schdrand auf'm Fäisn is a riesngrouße Gemäldegalerie, supamodern, wia a dreidimensionals Labyrinth baut. Schbendiert hod des da Jose Bernardo, a Milliardär, der aa in da Hauptschdod den größtn botanischn Gartn oglegt und glei dazua a Musäum füa sei afrikanische Kunstsammlung higschdäiht hod. Ja, so an Milliardär ois Schbsonsor brauchad ma bei uns in da Provinz aa. Da Baumann Luggi z'Immling daad se gfrein und aa da Guttenberg kannt des Gäid füa seine Herreninsl-Festschbiele braucha, nochdem de Deutsche Bank nix mehr zoiht und de Gäida vom Freischdaad raara wern, weil da Säähofa oiwei schbaarn möcht.
Aba aa bissal provinziell is' dort in Madeira aa. Ausgschdäit werd in da supamoderna Betongalerie ned de afrikanische Kunst vom Milliardär oda da Warhol Ande oda da Richter Gerhard, sondan der bekannteste madeirensische "Chiemseemala", der Römer Max ghoaßn hod und aus Hamburg gwesn is. Aba seine Bäidl san aa ganz schee, wenn aa koa Chiemsää, sondan bloß Madeira drauf is. Madeirabäidl gibt's ja bei uns ned zum Sehng, wer aba Chiemsääbäidl sehng mog, kon des in da Galerie auf da Fraueninsl oda im Übasääa Exterhaus doa. Oda ma schaut se iatz an de Feiadog den Chiemsää glei in echt o - wia i.
A scheens Pfingstfest wünscht Eich
Euer Kultualeser
Vinzenz Summerer
Quelle
Oberbayerisches Volksblatt (OVB),
Sie müssen registriert sein, um bestimmte Links zu sehen
, Kulturredaktion, Herr Raimund FeichtnerOberbayerisches Volksblatt GmbH & Co. Medienhaus KG, Hafnerstraße 5-13, 83022 Rosenheim, Tel.: 08031 213-0
